БИШКЕК, 25-ноя. — Sputnik. Ысык-Көл облусунун Жети-Өгүз районуна караштуу Дыйшын айылында эки бус кагышып 14 адам жаракат алды. Бул туурасында Sputnik Кыргызстан агенттигине Саламаттык сактоо министрлигинен билдиришти.
Жол кырсыгы бүгүн, 25-ноябрда, саат 9.00дөр чамасында болгон. Жаракат алган жүргүнчүлөрдүн бешөө травматология бөлүмүнө жеткирилип, дагы бирөө жандандыруу бөлүмүндө жатат. Жеринде медициналык жардам көрсөтүлгөн, керектүү дары-дармектер жетиштүү.
Жол кыймылы коопсуздугун камсыздоо башкы башкармалыгы бул маалыматты тактап жатат.