БИШКЕК, 25-ноя. — Sputnik. Ысык-Көлдүн Ак-Суу районуна караштуу Жыргалаң айылында аялы жана күйөөсү жол кырсыгынан каза тапканын жергиликтүү тургундар билдирди.
Окуяны облустук милициядагы өздүк булактар да тастыктады.
Маалыматка ылайык, жубайлар туугандарынын тажыясына барган. Унаа калың тумандан улам көпүрөнүн астына түшүп кеткени белгилүү болду.
Айылдаштарынын айтымында, үй ээси 45 жашта болчу.