БИШКЕК, 22-ноя. — Sputnik. Америкалык атактуу теле алып баруучу Ким Кардашьян, рэпер жолдошу Канье Уэст жана Yeezy, Adidas бренддери Калифорниядагы өрттөн жабыркагандарга жалпы жонунан 500 миң доллар өлчөмүндөгү каражат бөлүштү. Бул тууралуу РИА Новости жазды.
"Жолдошум Канье Yeezy жана Adidas бренддери менен биргеликте 200 миң доллар бөлдү. Биздин үй-бүлө өрттөн жабыркагандарга жардам берген фонддун эсебине дагы 200 миң доллар которду. Жеке өзүмдүн атымдан үйүнөн ажыраган жаш үй-бүлөгө 100 миң доллар бердим", — деди Кардашьян жергиликтүү телеканалга маек берип жатып.
Эске салсак, АКШнын Калифорния штатынын түндүк тарабында чыккан өрт 8-ноябрда башталып, штаттын тарыхындагы эң кесепеттүү окуя катары катталды. Жаратылыш кырсыгынан улам 300 миңден ашык тургун көчүрүлүп, 80ден ашуун адам каза болду.