БИШКЕК, 18-ноя. — Sputnik. Кыргызгидромет 19-ноябрдан 24-ноябрга чейинки аба ырайынын божомолун жарыялады.
Ага ылайык, 19-ноябрда өлкө аймагында жаан-чачын күтүлбөйт. Ал эми 20-ноябрда күндүз көпчүлүк аймактарда мезгил-мезгили менен жаан жаап, тоо этектеринде жана тоолуу райондордо кар жаайт.
Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрге жетет.
21-ноябрда түнкүсүн кээ бир райондордо мезгил-мезгили менен жаан, кар жааса, 22-23-ноябрда жаан-чачын күтүлбөйт.