Санкт-Петербург шаарында Энгельс проспектисинде эркек киши көп кабаттуу үйлөрдүн ортосуна тартылган аркандан басып өткөн. Бул тууралуу РИА Новости жазды.
Видео интернет тармагына тараган. Анда киши бир нече ирет кулачудай болуп, карап турган кишинин жүрөгүн шуу дедиртет.
Бирок белине байланган аркан менен аман калып, кайра оңдонуп басып бара жаткандыгын көрүүгө болот.
Социалдык тармактагы жазууларга караганда, киши 27 кабаттуу имараттардын ортосунан баскан.
Ал эми жергиликтүү каналдардын бири бийик имараттарга чыгып жүргөн альпинист Александр Грибанов болушу мүмкүн экендигин маалымдады.