БИШКЕК, 16-ноя. — Sputnik. Муфтий Максатбек ажы Токтомушев Россиядагы мекендештер менен жолугат. Бул тууралуу Кыргызстан мусулмандарынын дин башкармалыгы кабарлады.
Билдирмеге ылайык, Максатбек ажы Токтомушев 26-ноябрдан 29-ноябрга чейин Россиянын Якутск, Чита, Иркутск шаарларын кыдырмакчы.
Жолугушуунун программасы:
— 26-ноябрь саат 17:00. Якутск шаарынын борбордук мечити;
— 27-ноябрь саат 17:30. Чита шаарынын борбордук мечити;
— 28-ноябрь саат 19:00. Иркутск шаарынын борбордук мечити.
Маалыматка ылайык, аталган демилгени муфтияттын Урал, Сибирь жана Ыраакы Чыгыш боюнча өкүлү Сүйүн ажы Жусубалиев көтөргөн.