БИШКЕК, 12-ноя. — Sputnik. Москвада Кыргызстандын жасалма паспортун колдонгон киши кармалды. Бул тууралуу ИИМден маалымдашты.
Билдирмеге караганда, Б.А. аттуу коңшу өлкөнүн жараны белгисиз адамдарга акча берип, өзүнүн атына Кыргызстандын паспортун жасатып алып (ID-card) Россиянын аймагында жүргөн.
Аталган факты боюнча Б.А. аттуу кишиге Россиянын Кылмыш-жаза кодексинин 327-беренесинин 3-бөлүгү (жасалма документ колдонуу) боюнча кылмыш иши козголду.
Учурда жасалма документти даярдаган тараптарды аныктоо үчүн аракеттер көрүлүп жатат.