БИШКЕК, 12-ноя. — Sputnik. Бишкекте СССРдин Эл артисти, белгилүү кинорежиссер Болот Шамшиевдин Mercedes-Benz унаасын уурдап кетишти. Бул тууралуу Бишкек милициясынан кабарлашты.
Уурулук фактысын Свердлов РИИБи каттоого алып, унааны 10-ноябрь күнү Чүй облусунун Милянфан айылынан табышкан.
"Автонун дөңгөлөк, магнитофон сыяктуу баалуу бөлүктөрүн чечип алып, калганын өрттөп салышкан", — деп айтылат билдирүүдө.
Факты боюнча милиция иликтөө иштерин жүргүзүп, кылмышкерлерди издеп жатат.