БИШКЕК, 12-ноя. — Sputnik. Калифорниядагы токойдо чыккан өрт 29 кишинин өмүрүн алып, дагы 228 адам дайынсыз болууда. Бул тууралуу KRON4 телеканалына таянуу менен РИА Новости жазып чыкты.
Маалыматка ылайык, тилсиз жоодон 6,4 миңден ашуун турак үй жок болуп, 15 миңинин абалы кооптуу. 45 миң гектар жерге жайылган өрттүн 25 пайызы чектөөгө алынды. Ушу тапта кеминде 3,5 миңдей тургун баш калкалоочу жайларга жайгаштырылды.
Өрт Калифорниянын түндүк аймагында бейшемби күнү башталып, штаттын тарыхындагы эң ири кырсык болуп калды.
Global News жана KGW News YouTube-каналдары өрт болгон жердин видеолорун жарыялады.