БИШКЕК, 11-ноя. — Sputnik. Дүйшөмбү күнү республиканын көпчүлүк аймактарында жаан жаап, айрым жерлерде карга айланышы мүмкүн. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Абанын температурасы Чүй менен Талас өрөөндөрүндө —4…+1 градус, Ош, Жалал-Абад жана Баткен облустарында +3…+8, Ысык-Көл жана Нарын облустарында —2…-7 градус суук болот.
Ал эми Бишкек жана Ош шаарларында кар жаашы мүмкүн. Бишкекте —1…-3, Ош шаарында +5…+7 градус жылуу болушу ыктымал.