БИШКЕК, 9-ноя. — Sputnik. Чүй облусундагы Сокулук районунун Романовка айылында Nissan Primera үлгүсүндөгү унаа коюп кеткен жөө киши каза болгонун Жол кыймылы коопсуздугун камсыздоо башкы башкармалыгынан билдиришти.
Маалыматка ылайык, кырсык 8-ноябрь күнү болжол менен саат 21.10дордо болгон. Жолдон өтүп бараткан 50 жаштардагы эркек ошол жерден көз жумган. Азыр анын тек-жайы такталып жатат. 53 жаштагы айдоочу кармалып, чогултулган материалдар тергөө бөлүмүнө жөнөтүлдү.
Тийиштүү экспертизалар дайындалганы айтылууда.