БИШКЕК, 7-ноя. — Sputnik. Борбордо бокс боюнча өлкө чемпионаты өтө турганын Жаштар иши, дене тарбия жана спорт боюнча мамлекеттик агенттиктен билдиришти.
Мелдеш 15-18-ноябрь күндөрү Бишкектеги Кожомкул атындагы Спорт сарайында болот.
Маалыматка ылайык, чемпионатка өлкөнүн бардык аймагындагы 19 жаштан 40 жашка чейинки спортчулар күч сынаша алат.
Эркектер сегиз салмак категорияда (46-52 кг, 57 кг, 63 кг, 69 кг, 75 кг, 81 кг, 91 кг, +91 кг), ал эми кыз-келиндер беш салмакта (45-49 кг, 57 кг, 64 кг, 69 кг, 75 кг) ат салышат.
Мелдешти өткөрүү үчүн Спорттун олимпиадалык түрү боюнча дирекция тарабынан 50 миң сом каралган.