БИШКЕК, 6-ноя — Sputnik. 7-ноябрда Кыргызстандын тоолуу аймактарында жаан жаап, карга айланышы мүмкүн. Батыштан соккон шамалдын ылдамдыгы секундасына 4-9 метрге жете турганын Кыргызгидромет маалымдады.
Билдирүүгө ылайык, Чүй, Талас, Ош, Баткен жана Жалал-Абад облустарында күндүн табы +9…+14 градуска жетери болжолдонду. Ысык-Көл жана Нарын аймагында +5…+10 градус жылуу болот.
Ал эми Бишкек менен Ош шаарларын ала булут каптап, абанын температурасы Бишкекте +10…+12, Ош шаарында +11…+13 градуска чамалап барат.