БИШКЕК, 6-ноя. — Sputnik. Жогорку Кеңештин депутаты Асылбек Жээнбековдун былтыркы жылы тапкан кирешеси 9,5 миллион сомду түзгөн. Толтурган декларациясына ылайык, эл өкүлү 1,5 миң чарчы метр аянтты ээлеген үйгө, эки жер тилкесине жана салынып жаткан курулуштарга ээлик кылат. Андан тышкары, бир жоопкерчилиги чектелген коом менен ишенимдүү башкарууга берилген акционердик компаниянын акцияларынын 91 пайызынын ээси болуп саналат.
Депутаттын жакын туугандары 476 миң сом таап, бир миллион сом корогон. Андан тышкары, 480 миң сомдук баалуу таштары, жарым миллион сомдон ашуун акчага бааланган тиричилик, аудио, видео жана башка техникасы бар экени жазылган.
Жакын тууганы бир унаага ээлик кылат.
Буга чейин президент Сооронбай Жээнбековдун эмне мал-мүлкү бар экени айтылган.