БИШКЕК, 4-ноя. — Sputnik. Кыргызстанда жалпы имамдар үчүн колдонмо китептер иштелип чыгат. Бул тууралуу муфтияттын маалымат кызматы билдирди.
Ага ылайык, Куран, фыкх, хадис, акыйда, тавсир, имамдын этикасы, мурас жана намаз убактылары боюнча китептер иштелип чыгып, айыл аймактагы имамдарга колдонмо курал катары берилет.
Китептерди муфтияттын тиешелүү бөлүмдөрү жеңилдетилген түрдө даярдап чыгат. Ал аймактагы дин кызматкерлеринин билим деңгээлин жогорулатууга багытталат.