Кытайдын Хэйлунцзян провинциясындагы Ябули тоо лыжа курортунда жааган биринчи карга баладай кубанган панданын видеосу тарады. Бул туурасында CGTN билдирди.
Видео YouTube каналына жүктөлгөн.
Роликтен панданын карда тоголонуп, селкинчек тээп, топ менен ойноп, бамбук кемирип кубангандай маанай менен ойноп жүргөндүгүн көрүүгө болот.
Интернет колдонуучулар Кытайдын түндүк-чыгышына алынып келген бул жаныбарларга кар өтө жаккандыгын, бул чындыгында эле жүрөк элжиреткен видео экендигин жазышты.