БИШКЕК, 1-ноя. — Sputnik. Бишкектин чок ортосундагы #бишкекменинжүрөгүм деген хэштег сыяктуу жасалган инсталляция талкаланып калды. Бул тууралуу Sputnik Кыргызстан агенттигине WhatsApp-каналы аркылуу күбө билдирди.
Инсталляция Чүй проспектиси менен Эркиндик бульварынын кесилишинде жайгашкан. Сүрөт бейшемби күнү саат 16.30да тартылган.
Мэрия аны жакын арада калыбына келтирүүнү пландап жатат.
Инсталляция ушул жылдын апрель айында "Тазалык" ишканасынын кызматкерлери тарабынан орнотулган болчу.