Ал видеого тартканга чейин жерде жаткан аял кызын катуу тилдеп уруп жатканын айтууда. Окуя Логвиненко жана Лев Толстой көчөлөрүнүн кесилишинде 30-октябрда саат 16.00дөр чамасында болгон.
"Алгач ал аялга менин жубайым барса сөгүп-сагып жибериптир. Анан экөөбүз тең үйгө кеттик. 10 мүнөттөн кийин кайра келип карадым", — деди күбө.
Видеодон аял сүйлөөгө да алы келбей, ордунан өйдө тура албай жатканын байкоого болот.
Күбөнүн айтымында, энесинин жанында турган бөбөк ачка жана тытылган кир кийимдерди кийип жүрөт.
Бишкек ШИИБдин маалымат кызматы аталган видеону Биринчи Май райондук милициянын кызматкерлери териштирип баштаганын билдирди.