БИШКЕК, 30-окт. — Sputnik. Кыргызстандык спортчулар Мирлан Асеков менен Айбек Асынбаев грэпплинг боюнча эл аралык турнирде алтын медаль тагынды. Бул туурасында Sputnik Кыргызстан агенттигине ММА академиясынын вице-президенти Сейтек Оморов билдирди.
NAGA GRAPPLING аталышындагы мелдеш узаган дем алыш күндөрү Литванын Вильнюс шаарында өткөн.
Өлкө атынан эки спортчу катышып, экөө тең биринчи орунга ээ болушкан. Мирлан Асеков 76 килограммда, ал эми Айбек Асынбаев 64 килограмм салмак категориясында кармашкан.
Турнирде жалпысынана 20 өлкөнүн спортчусу жети салмак категорияда күч сынашкан.