Бишкек — Ош жолунда унаа оодарылып, эки киши көз жумду. Сүрөттөр

БИШКЕК, 23-окт. — Sputnik. Бишкек — Ош жолунун 168-чакырымында Honda Odyssey унаасы кырсыктап, аял менен эркек киши көз жумганын ӨКМ билдирди. 

Маалыматта унаа жолдон чыгып, оодарылып кеткени айтылат. 

Ал эми Чүй облустук Жол кыймылы коопсуздугун камсыздоо башкы башкармалыгы каза болгон айдоочу менен жүргүнчү аялдан тышкары дагы беш киши жабыркаганын кошумчалады. Ошту көздөй бараткан таксинин айдоочусу катуу ылдамдыктан улам рулга ээ боло албай калган.

Окуя болгон жерге келген беш куткаруучу өлгөн адамдардын сөөгүн чыгарып ИИМ кызматкерлерине, ал эми жабыркагандарды тез жардамга өткөрүп беришкен.