БИШКЕК, 22-окт. — Sputnik. БУУнун Балдар фондусу (ЮНИСЕФ) Борбор Азия университети менен биргеликте Улуттук көркөм сүрөт музейинде Жаштар форумун өткөрүүдө. Бул тууралуу аталган уюмдан билдиришти.
Иш-чара 2018-жылдын 23-26-октябрында өтө турган Дүйнөлүк тоо форумунун (WMF) маанилүү бөлүгү катары уюштурулган.
Борбор Азия, Латын Америка, Африка, Азия-Тынч океан аймагы жана Европадан келген 19 киши тоолуу райондордун туруктуу өнүгүшү жана айлана-чөйрөнү коргоо маселелери боюнча талкууга катышып жатат.
Форумдун жыйынтыгы менен "Кыймылга чакырык" деп аталган документ иштелип чыкмакчы. Анда климаттын тийгизген таасирин жеңилдетүү боюнча программаларды иштеп чыгууга жаштардын берген таасири чагылдырылат.