БИШКЕК, 22-окт. — Sputnik. Бишкек шаарынын мурдагы мэри, мурдагы депутат Нариман Түлеев экс-президент Алмазбек Атамбаев менен учактын ичинде түшкөн сүрөтүн Facebook баракчасына жарыялады.
Түлеев сүрөттүн алдына эч нерсе деп жазган эмес.
Түлеев дагы өзүнүн Facebook баракчасына Атамбаевди жан сакчысы болушу ыктымал болгон киши менен алдыңкы катарда отурган сүрөтүн жарыялаган. Ал мурдагы президенттин атына бир катар кептерди айткан болчу.
Түлеев селфини жарыялагандан кийин бир аздан соң Атамбаев менен түшкөн сүрөтүнө түшүндүрмө берген. Анда экс-президентке кантип келгенин, анын башкаруусу учурундагы кадр саясаты тууралуу сүйлөшкөндөрүн жазган.
КСДП буга чейин мурдагы мамлекет башчысы Россияга Азия, Африка жана Латын Америкадагы саясий партиялардын эл аралык конференциясынын Х башкы ассамблеясына катышууга барарын кабарлаган.
Ал ортодо Атамбаевдин жансакчылары бир кыйла азайды деген маалымат тарап, ага УКМК жооп кайтарды.