БИШКЕК, 21-окт. — Sputnik. Жамааттык коопсуздук келиши уюмунун (ЖККУ) "Кант" авиабазасынын түптөлгөндүгүнүн 15 жылдыгына арналган салтанаттуу иш-чара өткөрүлдү. Бул тууралуу аталган авиабазанын маалымат кызматынан кабарлышты.
Иш-чарага өздүк курам менен аскер жетекчилеринен сырткары, ардагерлер жана диний кызматкерлер да келген.
"Авиациялык базанын командири Андрей Янкин жоокерлерди куттуктап, боордош элдин жеринде тынчтык жана ынтымактуулукту орнотууга кошкон салымын үчүн ыраазычылыгын билдирип, ийгиликтерди каалады", — деп жазылат маалыматта.
Мааракенин салтанаттуу бөлүгүнөн кийин маданият үйүндө жоокерлердин үй-бүлөсүнө, конокторго концерт уюштурулган. Анда Россиядан келген Александрова ансамбли катышып, соңунда асманга шарлар кое берилди.
Кыргызстан 2003-жылы 23-октябрда 15 жылга Россия ЖККУнун алкагында Кант шаарына авиабаза жайгаштыруу боюнча Кыргызстан менен келишим түзгөн. Анын максаты ЖККУга мүчө өлкөлөрдү абадан колдоо болгон.