БИШКЕК, 18-окт. — Sputnik. "Тазалык" муниципалдык ишканасы кышта калаа ичиндеги жолдорго кам көрүү максатында 865 тонна кум жана 203,2 тонна техникалык туз сатып алды. Бул тууралуу Бишкек минуципалитетинин маалымат кызматынан билдиришти.
Былтыркы кыштан калган запастарды эсептегенде учурда 4 798 тонна кум, 909 тонна туз бар.
"Унаа каттаган жолдордогу карды тазалоо үчүн 35 атайын техника иштейт. Алардын арасында кар тазалагыч, кум чачкыч жана тракторлор бар. Техника менен катар 725 жумушчу тартылат", — деп айтылат билдирүүдө.
Негизинин жолду кардан тазалоо иштери 1-ноябрдан 1-мартка чейин уланат. Бирок аба ырайынын шартына байланыштуу бул аралык узартылып, же тескесиринче, кыскартылышы мүмкүн.
Жолдун тазалыгы боюнча көйгөйлүү маселе жаралса шаардыктар төмөндөгү номерлерге WhatsApp тиркемеси аркылуу кайрылса болот:
— Карынбаев Аскат Асаналиевич (Ленин району) — 0557- 99-79-27;
— Акматбаев Таалайбек Таберикович (Октябрь району) — 0554 95-55-09;
— Абдиев Дамир Кадырмаевич (Биринчи Май району) — 0550 21-73-73;
— Касымбеков Рустам Асаналиевич (Свердлов району) — 0703 611 806.
Ошондой эле 185 жана 1840 кыска номерлери күнү-түнү иштейт.