Социалдык эксперименттин каарманы Айпери Аралбаева. Ал майып болгондуктан буга чейин коляскада отурчу. Азыр таяк менен басат. Каарман туура эмес жерге токтотулган унааларга "кечириңиз, сиздин унааңызды чийип алдым. Мага чалып коюңуз, чыгымын төлөп берем" деп жазылган кат таштап кетип жатты. Аныгында унааларда эч кандай чийин болгон эмес.
"Айдоочулар чийилген так жок болсо деле менден акча алат болду бекен деп кызыктым. Ошондой эле унааларын туура эмес жерге токтоткону үчүн өздөрү күнөөлүү экенин сезишеби деген суроо жаралды", — деди Аралбаева.
Чынчылдык жагынан айдоочулардан көйгөй жаралбаганы менен, эстүүлүк жагынан алганда болгону бир гана айдоочу өзү күнөөлүү экенин моюндады. Аялдардын бири эртеси күнү да унаасын ошол эле жерге, болгондо да тротуарга токтотуп койгон.