БИШКЕК, 17-окт. — Sputnik. Белоруссияда "Бенякони" бажы пунктунун кызматкери ага пара берүүгө аракет кылган жаранды карматуу үчүн полиция чакырды. Бул тууралуу Sputnik Белоруссия агенттиги жазды.
36 жаштагы айдоочунун унаасын текшерүү маалында бажычы документтери жок товарды көрүп калган. Кызматкер доомат кое баштаганда, айдоочу анын чөнтөгүнө акча салууга аракет кылган.
Ошол маалда бажычы ага каршылык көрсөтүп, милиция чакырууга аргасыз болду.
Жыйынтыгында Вороновский райондук ички иштер бөлүмү "Пара берүү" беренеси менен айдоочуга кылмыш иши козгоду. Бул өлкөдө бийлик өкүлүнө пара сунуштаган адам айып төлөгөндөн тарта 5 жылга чейин эркинен ажырашы мүмкүн.