БИШКЕК, 16-окт. — Sputnik. Кыргызстандын басымдуу бөлүгүндө жаан, кар жаашы күтүлөт. Батыштан соккон шамалдын ылдамдыгы секундасына 4-9 метрге, тоолуу аймактарда 15-20 метрге жетет. Бул тууралуу Кыргызгидромет маалымдады.
Билдирүүгө ылайык, Чүй жана Таласта 0…+5 градус жылуу болот. Ош, Баткен жана Жалал-Абад облустарында күндүн табы +2…+7 градуска жетери болжолдонду. Ысык-Көл менен Нарын аймагында 0…+5 градус жылуу болору айтылды.
Ал эми Бишкек менен Ош шаарларында жаан карга айланышы мүмкүн. Абанын температурасы Бишкекте +2…+4, Ошто +6…+8 градуска чамалап барат.