1960-жылдары Кыргыз ССРинде кыз-келиндерди зордуктап, өлтүрүп жүргөн маньяк тууралуу Россияда даректүү тасма тартылды. Ал НТВ каналындагы Леонид Каневскийдин "Следствие вели…" берүүсүндө көрсөтүлдү.
"Обнаженный демон" аттуу тасмада Фрунзе шаарынын чет-жакаларында жумуштан кеч кайтып келе жаткан кыз-келиндерге кол салып, зордуктап, айрымдарын өлтүрүп салган маньяк жөнүндө баяндалат.
Ар кандай амалдардын жардамы менен анын изине түшкөн милиция кызматкерлери маньяк унаа базасынын 28 жаштагы Виктор Селихов аттуу айдоочусу экенин аныкташкан. Көрсө ал жетпей калган сүйүктүүсүнө таарынып, ушундай жол менен тагдырдан өч алып жүргөн экен.
Селихов сот алдына келгенде анын үч аялды өлтүрүп, 10 аялды зордуктап, 17син зордуктоого аракет кылганы билинген.
Кылмышкерди 1964-жылы камап, 1965-жылы өлүм жазасына тартышкан.