БИШКЕК, 13-окт. — Sputnik. Бишкек шаарында эл аралык тоо форуму уюштурулат. Бул тууралуу Борбор Азия университетинен билдиришти.
Маалыматка ылайык, дүйнөлүк деңгээлдеги иш-чара 23-26-октябрь күндөрү өткөрүлөт. Ага 40ка жакын мамлекеттен чогулган 300дөй адамдын катышуусу күтүлүүдө. Форумда тоолуу аймактагы экологиянын өзгөрүшү, бийик тоолуу аймактарга инвестиция тартуу өңдүү бир катар маселелер талкууланат.
Форумду өкмөт эл аралык уюмдар менен биргеликте уюштурууда.