Россия президенти Владимир Путин UFC мушкери Хабиб Нурмагомедов менен жолугуп, жеңиши менен куттуктады. Бул тууралуу Р-Спорт кабарлады.
Эске салсак, россиялык Хабиб Нурмагомедов ирландиялык мушкер Конор Макгрегорду 7-октябрда Лас-Вегаста өткөн UFC 229 турниринин негизги беттешинде муунтуу ыкмасы менен утуп алган.
Мушкер менен көрүшкөндө эле Путин аны жеңиши менен куттуктап, андан соң тамаша иретинде спортчуга "беттештен кийинки ызы-чуу үчүн атаңыздан сизди катуу жазалабаңыз деп өтүнөйүн" деди.
"Беттештин жүрүшүнө көз салып, сизге жан тартып турдук. Атаңызды сизди катуу жазалабаңыз деп суранам, анткени башкысы тапшырманы аткарып, жеңишке ишенимдүү жана татыктуу жеттиңиз. Баарыбыз чоң бир үй-бүлөбүз. Албетте чектен ашкан болбойт, бирок ошого жеткирсе сиз эле эмес биз деле секирип кетишибиз мүмкүн. Андан көрө буга жеткирбесин", — деди Путин.
"Мен жакшы эле карманып жаткам, бирок айрым учурларда өзүмдү көзөмөлдөй албай калып жаттым. Беттеш учурунда да чагымчылык уланып жатты. Сот биз тарапка туура чечим чыгарат деген үмүттөмүн", — деди Хабиб.
Путин болсо провокация атайын спортчуну өзүнөн чыгаруу үчүн жасалганын айтып, Россия анын баарын түшүнүп турганын баса белгиледи. Өлкө башчы кырдаал оңунан чечилерин айтып, соңунда Нурмагомедовго ийгилик каалады.