БИШКЕК, 9-окт — Sputnik. Төө-Ашуудагы Хусейин Көлбаев атындагы тоннелде унаа тыгыны жаралганына күйүүчү май ташып бара жаткан унаанын бузулганы себеп болгон. Бул туурасында Sputnik Кыргызстан агенттигине Транспорт жана жолдор министрлигинин Бишкек — Ош автожол дирекциясынын башчысы Тыныбек Кадырбаев билдирди.
В тоннеле на Тоо-Ашуу задымление, образовалась большая пробка — видео очевидца
© © видео очевидца, отправленное по WhatsApp-каналу
Мурдараак күбө бүгүн саат 18.20 чамасында тоннелден түтүн чыгып жатканын кабарлаган. Ичинде бензовоз күйүп кетиптир деген божомолдор айтылган болчу.
"Эч нерсе күйгөн жок. Болгону бензовоздун кыймылдаткычы түтөп кетиптир. Унааны сыртка тартып чыгышты", — деди Кадырбаев.
Учурда каттам жанданып кадимки режимде иштеп жатат.