БИШКЕК, 7-окт. — Sputnik. Россиялык Хабиб Нурмагомедов ирландиялык Конор Макгрегорду беттештин төртүнчү раундунда муунтуу (үстүнө чыгып моюн туштан кармаган) ыкмасын колдонуп утуп алган.
Мелдеш UFC 229 турниринин алкагында Лас-Вегаста өттү. Бул америкалык уюмдун тарыхындагы эң ири кармаш болду. Билеттер чыккан күнү үч минутага жетпей сатылып кеткен.
Кармаштын көбү күрөшүү менен өттү. Бирок күйөрмандар мындай беттешке караганда турнирден кийинки жаңжал кызыктуу болгонун кеп кылышкан. Нурмагомедов Макгрегорду уткандан кийин октагондон секирип чыр чалган. Көп өтпөй окуянын чоо-жайы белгилүү болду.