Анда 200дөн ашуун байкер ар кандай үлгүдөгү мотоциклдерди айдап жүрүшкө чыкты.
Уюштуруучулардын бири, Мотоцикилсттер коомунун вице-президенти Рамис Гариевдин айтымында, Россия, Казакстан, Өзбекстан жана Тажикстандан да байкерлер келген.
Алар 7-Апрель көчөсүнөн баштап Түштүк магистраль менен жүрүп Чыңгыз Айтматов простпектиси менен Чүйгө түшүп "Ала-Тоо" аянтына келишти. Андан ары Байтик баатыр көчөсү менен "Перцы" мото барына кетишти.
Кыргызстанда Мотосезон апрель айында ачылып, октябрда расмий жабылат. Мындай жүрүштөр жыл сайын өткөрүлүп салтка айланып калган.