БИШКЕК, 2-окт. — Sputnik. Караколдо кишилерди үгүттөп, Кыргызстанда халифат түзүүгө үндөп жүргөн 44 жана 25 жаштагы кишилер кармалды. Бул тууралуу УКМКнын маалымат кызматы билдирди.
Ага ылайык, кармалгандар өлкөдө тыюу салынган "Хизб ут-Тахрир" экстремисттик уюмунун активдүү мүчөсү болгон.
"Кармалгандар кишилерди үгүттөп, теократиялык "Халифат" мамлекетин түзүүгө үндөшкөн. Алардын жашаган жерин тинтүү учурунда тыюу салынган диний-экстремисттик мазмундагы бир топ материалдар табылды", — деп айтылат маалыматта.
Аталган факты боюнча Кылмыш жаза кодексинин 299-беренеси (Улуттук, расалык же диний кастыкты козутуу) менен кылмыш иши козголду.