БИШКЕК, 2-окт. — Sputnik. Бишкекте Toyota Avalon менен Lexus GX 470 үлгүсүндөгү унаалар кагышып, жол белгисин талкалап кетти. Бул тууралуу Sputnik Кыргызстан агенттигине күбө билдирип, окуянын сүрөттөрүн WhatsApp каналына жиберди.
Анын айтымына караганда, кырсык шейшемби күнү эртең мененки саат 8.20лар чамасында Киев менен Тыныстанов көчөлөрүнүн кесилишинде болгон.
Бишкек ЖКККББ аталган даректе жол кырсыгы болгонун ырастап, эч ким жабыркабаганын маалымдады. Топтолгон материалдар тергөө бөлүмүнө өткөрүлүп берилет.