БИШКЕК, 1-окт. — Sputnik. "Кыргыз темир жолу" мамлекеттик ишканасынын башкы директору болуп Канатбек Абдыкеримов дайындалды. Бул тууралуу өкмөттүн маалымат кызматы билдирди.
Тийиштүү буйрукка премьер-министр Мухаммедкалый Абылгазиев кол койду.
Абылгазиев бүгүн башка жарлыгы менен "Кыргыз темир жолу" ишканасынын жетекчилигинен Алмазбек Ногойбаевди алган болчу.
Жаңы жетекчи Канатбек Абдыкеримов буга чейин аталган ишкананын темир жолдорду долбоорлоо жана куруу дирекциясынын директору болуп иштеген.