БИШКЕК, 29-сен. — Sputnik. "Мега Комфорт" соода борборуна жакын жердеги машина токтотуучу жайда иштеген улгайган кишини чаап-тээп жиберген айдоочу 20 күнгө СИЗОго киргизилди. Бул тууралуу Бишкек ШИИББден маалымдашты.
Белгилей кетсек, 25-сентябрда саат 15:00дөр чамасында "Мега Комфорт" соода борборуна жакын жердеги машина токтотуучу жайда иштеген улгайган кишини чаап-тээп жиберген айдоочунун видеосу социалдык тармакка тарап кеткен. Кийин ал киши кармалып, эмнеге мындай кадамга барганын түшүндүргөн.