БИШКЕК, 25-сен. — Sputnik. Борбор калаанын Арча-Бешик көчөсүнө жаратылыш газы киргизилип жаткандыктан №202 маршруттук таксинин каттамы убактылуу өзгөрөт. Бул тууралуу мэриянын маалымат кызматы кабарлады.
Билдирүүгө ылайык, аталган маршруттук каттам Айни көчөсүндөгү Травматология жана ортопедия илим-изилдөө борборунун жанына токтомокчу.
"№202 маршруттук такси Айни, Чортеков көчөлөрү менен барып, андан ары өзүнүн схемасына түшүп кетет", — деп жазылат маалыматта.
Мэрия жаралган ыңгайсыздык үчүн кечирим сурап, алдын ала альтернативдүү жол тандап алууга чакырат.