Бразилияда велосипед менен жеңил унаанын кагышуусунан эч ким жабыркаган жок. Кырсыктын видеосун The Daily Mail басылмасы жарыялады.
Кадрда көрүнүп тургандай велосипедчен адамды унаа артынан кагып, ошол эле көз ирмемде жакын турган дубалга жабыштыра сүзөт.
Бир нече секунддан кийин айдоочу кыз унаадан чыгып, сулк кулап калат. Ошол маалда велосипедчи унаанын артынан өзү чыгып, эч нерсе болбогондой айланасын алаңдап карайт.
Кийин белгилүү болгондой, 13 жашар кыз ата-энесинин унаасын аларга билдирбей айдап кеткен. Ага айдоочулук күбөлүгү жоктугу жана адам өмүрүнө коркунуч жараткандыгы үчүн айып тагылды.