БИШКЕК, 19-сен. — Sputnik. Бейшемби күнү республиканын айрым райондорунда жаан жаап, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жете турганын Кыргызгидромет маалымдады.
Чүй менен Талас өрөөндөрүндө +21…+26 градус, Ош, Жалал-Абад жана Баткен облустарында +25…+30, Ысык-Көл облусунда жана Нарын аймагында +20…+25 градус жылуу болот.
Ал эми Бишкек жана Ош шаарларында жаан-чачын күтүлбөйт. Абанын температурасы Бишкекте +26…+28, ордолуу Ош шаарында +28…+30 градус болору айтылды.