БИШКЕК, 16-сен. — Sputnik. Бишкектеги "Көк-Жар" кичи районунда курулуп жаткан үйдүн 10-кабатынан кулаган жаран аман калды. Бул тууралуу Sputnik Кыргызстан агенттигине укук коргоо органдарындагы ишенимдүү булак билдирди.
Маалыматка ылайык, окуя 15-сентябрда болгон. 30 метрлик бийиктиктен кулаган киши Бишкектеги Травматология жана ортопедия улуттук илимий-изилдөө борборуна жеткирилген.
Анын буту сынып, баш мээси чайкалып, төшү жабыркаган. Учурда бейтап жандандыруу бөлүмүндө жатат.
Окуя боюнча Октябрь РИИБинин кызматкерлери текшерүү жүргүзүүдө.