Пара алган кишини кармап жаткан учурду аталган кызмат Youtube каналына жайгаштырган.
Маалыматта арыз менен аял кайрылгандыгы айтылат.
Финансы полициясы аскер комиссариатынын кызматкери аялдын уулун аскерге чакырам деп коркутуп 25 миң сом талап кылууга шектелгендигин билдирген. Алар улан ден соолугуна байланыштуу аскерге жараксыз экендигин айтышты.
Аталган факты боюнча Кылмыш кодексинин 304 жана 313-беренелердин негизинде иш козголгон.
Шектелген адам 12-сентябрда өзүнүн кабинетинде пара алып жаткан жеринен кармалган.