2017-жылдын 6-ноябрында Көк-Жар айылындагы өз үйүндө киши колдуу болгон Улан Саляновдун өлүмүнө шектүү үчүнчү киши окуя кандайча болгонун айтып берди. Видеону Кыргызстандын Ички иштер министрлиги жарыялады.
Эскерте кетсек, мурунку башкы прокурор Аида Салянованын иниси Уланды белгисиз адамдар атып кетишкен. Тергөөнүн маалыматында маркум алгач ур-тепкиге алынып, андан соң өлтүрүлгөнү айтылган. Факты боюнча Кылмыш жаза кодексинин 97-беренесинин негизинде кылмыш иши козголгон.
Кылмышка шектүү эки адам ошол эле жылдын декабрь айында колго түшүрүлүп, үчүнчүсү издөөдө болчу.