БИШКЕК, 12-сен. — Sputnik. Бейшемби күнү республиканын тоолуу райондорунда жаан жаап, күн күркүрөшү, бийик тоолуу райондордо кар жаашы күтүлөт. Батыштан соккон шамалдын ылдамдыгы секундасына 4-9 метрге жете турганын Кыргызгидромет маалымдады.
Чүй менен Талас өрөөндөрүндө +18…+23 градус, Ош, Жалал-Абад жана Баткен облустарында +23…+28, Ысык-Көл облусунда жана Нарын аймагында +17…+22 градус жылуу болот.
Ал эми Бишкекте күн ачык болсо, Ош шаарында мезгил-мезгили менен жаан жаап, күн күркүрөйт. Абанын температурасы Бишкекте +21…+23, ордолуу Ошто +16…+18 градус болору айтылды.