БИШКЕК, 10-сен — Sputnik. Республика боюнча 11-сентябрда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Маалыматка ылайык, абанын температурасы Чүй облусунда +22…+27, Таласта +21…+26 градуска чамалап барат.
Ысык-Көл менен Нарын өрөөнүндө +20…+25, ал эми Ош, Жалал-Абад жана Баткен облустарында +26…+31 градус ысык болот.
Ош калаасында абанын температурасы +28…+30, Бишкек шаарында +23…+25 градус болушу болжолдонууда.