Күбө Бишкектеги Түштүк магистраль менен Душанбе көчөлөрүнүн кесилишинде жол кырсыгы болуп, автоунаа квас сатуучусун коюп кеткенин билдирип, окуянын видеосун жөнөттү.
Анын айтымында, каргаша 10-сентябрда саат 16:00дөр чамасында болуп, аталган аймакта жол тыгыны пайда болгон. Окуя болгон жерде тез жардам кызматы иштеп жатат.
Бишкек ШИИБдин ЖКККБи жол кырсыгы болгонун тастыктады.
"Бул жерде эки автоунаа кагышып, алардын бирөө жол четинде квас сатып турган сатуучуну коюп кеткен. Ал оор абалда ооруканага жеткирилди", — деп милициядан маалымдашты.
ЖКККБдин маалымат кызматы кырсыктан жабыркагандар боюнча кийин толук маалымат болорун айтышты.