БИШКЕК, 7-сен. — Sputnik. Никко Монтаньо ооруп калгандыктан, UFC боюнча кыргызстандык мушкер Валентина Шевченконун чемпиондук кур үчүн беттеши болбой калды. Бул туурасында MMA Fighting порталы жазды.
Эске сала кетсек, эки спортчунун таймашы 2018-жылдын, 9-сентябрында болмок.
”Жума күнү, 7-сентябрда эртең менен UFC чемпиону Монтаньонун бөйрөгү ооруп, ооруканага жеткирилген. Андан улам, Шевченко менен Монтаньонун пландалган беттеши болбой калды ”, — деп айтылат маалыматта.
Келе жаткан жекшемби күндөгү беттеш туурасында бул тармакта жүргөндөр Шевченко Монтаньонун сазайын берерин айтышкан эле.