БИШКЕК, 6-сен. — Sputnik. Көчмөндөрдүн дүйнөлүк III оюндары өтүп жаткан Кырчын жайлоосунда эркек киши көпүрөдөн кулап дарыяга түшүп кеткенин Ысык-Көл облусунун ИИБнын маалымат кызматынан кабарлашты.
Маалыматка ылайык, окуя 5-сентябрда болжол менен саат 10.00дө болгон.
Башы менен жерге тийип эс-учун жоготуп койгон кишини жакын жерде турган милиция кызматкерлери куткарып калышкан.
Жабырлануучу Ысык-Көл облусунун Бостери айылынын 62 жаштагы тургуну Бегалы Апсаматов экендиги белгилүү болду. Ага медициналык жардам көрсөтүлүп, үйүнө жиберилген.