БИШКЕК, 6-сен. — Sputnik. Көчмөндөрдүн дүйнөлүк үчүнчү оюндарынын алкагында көк бөрү боюнча Казакстан менен беттешкен Өзбекстандын улакчылары 5:4 эсебинде жеңишке жетти.
Эми эртең, 7-сентябрдагы оюндун финалдык бөлүгүндө Өзбекстандын командасы кыргызстандык көк бөрүчүлөр менен кез келип, баш байге үчүн ат салышат.
Эске сала кетсек, Көчмөндөрдүн дүйнөлүк II оюндарында көк бөрүнүн финалдык бөлүгүндө Кыргызстан менен Казакстандын командалары беттешип, ата мекендик улакчылар жеңишке жеткен.