БИШКЕК, 5-сен. — Sputnik. Кара-Балта шаарында Жайыл РИИБинин имаратында киши колдуу болгон 19 жаштагы Бурулай Турдали кызынын иши боюнча алгачкы сот отуруму башталды. Бул тууралуу жеринен Sputnik Кыргызстан агенттигинин кабарчысы билдирди.
Соттолуучулардын катарында киши өлтүрүү боюнча шектелип жаткан Марс Бөдөшев жана Бурулайды салып кеткен унаанын айдоочусу Акмат Сеитов бар.
Бөдөшовдун коргоочусу иликтөө иштерин Бишкек шаарынын Свердлов райондук милициясы жүргүзгөндүктөн, аталган райондун сотуна которууну суранды. Жабыркаган тарап каршы болгон жок. Мындан улам сот ишти Бишкектеги Свердлов райондук сотуна өткөрүп берүү чечимин кабыл алды.
Окуядан кийин Чүй милициясынын жетекчиси жумуштан айдалып, укук коргоо органдарынын башка кызматкерине дисциплинардык чара көрүлгөн.